İstedadların İnkişafına 360° Baxış: Veysəloğlu MMC-də Gələcəyin Liderləri Yetişdirilir
6 noyabr 2026-cı il tarixində The Ritz-Carlton otelində Veysəloğlu MMC-nin insan kapitalının inkişafı istiqamətində həyata keçirdiyi strateji təşəbbüslərin təqdimatı və “Yüksək Potensiallı Əməkdaşların Dəyərləndirilməsi və İnkişafı” (HiPo-2) layihəsinin rəsmi açılış mərasimi baş tutmuşdur.
Tədbirdə Veysəloğlu Şirkətlər Qrupunun Müşahidə Şurasının üzvü Cem Rodoslu, şirkətimizin rəhbər heyəti, HiPo-1 məzunları və HiPo-2 layihəsinin iştirakçıları bir araya gəlmişlər.
Tədbirin əsas istiqamətlərindən biri Veysəloğlu MMC-də istedadların idarə olunmasına 360° strateji baxışın təqdim edilməsi olmuşdur.
Bu yanaşmanın əsasında istedadların erkən mərhələdə müəyyənləşdirilməsi, potensiallarının obyektiv dəyərləndirilməsi, fərdi inkişaf imkanlarının yaradılması, daxili karyera yüksəlişinin dəstəklənməsi və gələcəyin rəhbər heyətinin sistemli şəkildə yetişdirilməsi dayanır.
Şirkətimizdə istedadların inkişafı yalnız yüksək potensiallı əməkdaşlarla məhdudlaşmır. Müxtəlif vəzifə qruplarının inkişaf ehtiyaclarına uyğun hazırlanmış “Sahədən Ofisə”, “Marketinq Eksperti”, “HiPo”, “Lead – Yeni Rəhbərlərin İnkişafı”, “Davamçıların Yetişdirilməsi” və "V1-lərin yetişdirilməsi" kimi proqramlar vahid inkişaf ekosisteminin tərkib hissəsi olaraq həyata keçirilir.
Bu layihələr vasitəsilə əməkdaşların potensialının üzə çıxarılması, sahə təcrübəsinin yeni karyera imkanlarına çevrilməsi, idarəetmə bacarıqlarının gücləndirilməsi və kritik vəzifələr üzrə davamçılığın təmin edilməsi istiqamətində məqsədyönlü işlər görülür.
Tədbir çərçivəsində bu yanaşmanın artıq əldə edilmiş real nəticələri də diqqətə çatdırılmışdır.
Xüsusilə HiPo-1 layihəsinin nəticələri, iştirakçıların peşəkar inkişafı, rəhbər vəzifələrə yüksəlişi, beynəlxalq təcrübə və mübadilə imkanlarından faydalanması təqdim edilmişdir. Layihənin 2025-ci ildə İllik Dəyərləndirmə və Strategiya tədbirində “Ən Yaxşı İnsan Kapitalına İnvestisiya” nominasiyası üzrə qalib olması da həyata keçirilən işlərin mühüm uğurlarından biri kimi vurğulanmışdır.
Tədbirin davamında HiPo-2 layihəsinin inkişaf konsepsiyası, iştirakçıların seçimi üzrə tətbiq edilən mərhələli dəyərləndirmə metodologiyası, mentorluq yanaşması və proqram çərçivəsində nəzərdə tutulan inkişaf imkanları təqdim edilmişdir.
107 müraciətlə başlayan seçim prosesinin yekununda 23 əməkdaş HiPo-2 layihəsinin final iştirakçısı olaraq müəyyən edilmişdir. Yeni mərhələdə iştirakçıların liderlik potensialının inkişaf etdirilməsi, strateji düşünmə və idarəetmə bacarıqlarının gücləndirilməsi, eləcə də rəhbər heyətin mentorluğu ilə onların gələcək karyera imkanlarına hazırlanması hədəflənir.
Tədbirin xüsusi qonağı Cem Rodoslu “Hizmetkâr Liderlik ve Kişisel Marka Yaratmak” - “Xidmətə Əsaslanan Liderlik və Şəxsi Brendin Qurulması” mövzusunda çıxış edərək müasir liderlik yanaşmaları, şəxsi brendin formalaşdırılması və peşəkar inkişafla bağlı dəyərli bilik və təcrübələrini iştirakçılarla bölüşmüşdür.
Günün yaddaqalan məqamlarından biri də HiPo-1 layihəsinin dörd iştirakçısının uğur hekayələrini bölüşməsi olmuşdur. Onlardan ikisi layihə çərçivəsində qazandıqları inkişaf təcrübəsinin rəhbər vəzifələrə yüksəlişlərinə verdiyi töhfələrdən, digər iki iştirakçı isə beynəlxalq səfərlər və təcrübə mübadiləsi vasitəsilə əldə etdikləri yeni bilik və perspektivlərdən bəhs etmişlər.
Veysəloğlu MMC üçün insan kapitalına yatırım yalnız təlim və inkişaf proqramlarının həyata keçirilməsi deyil, təşkilatın gələcək liderlik potensialının formalaşdırılmasına yönəlmiş uzunmüddətli strateji yanaşmadır.
İnanırıq ki, istedadların idarə olunmasına 360° baxış, vahid dəyərləndirmə və inkişaf metodologiyası, daxili karyera imkanları və davamçılıq mexanizmləri şirkətimizdə güclü liderlik mədəniyyətinin formalaşmasına və dayanıqlı təşkilati inkişafa mühüm töhfə verəcəkdir.
Çünki gələcəyin güclü liderlərini yetişdirmək bu gün istedadları görmək, onlara inanmaq və inkişafları üçün doğru imkanlar yaratmaqdan başlayır.