page header
Ana Səhifə/Fəaliyyətlərimiz/Xəbərlər

Dəyərlərimizin izi ilə...

Fəaliyyətlərimiz

Loading tabs...

Şirkətimizlə Bağlı Son Xəbərlər

“Veysəloğlu” MMC 5-ci “Brand Award International 2026” qlobal müsabiqəsində mükafatlandırılan şirkətlər sırasında yer alıb.

“Veysəloğlu” MMC 5-ci “Brand Award International 2026” qlobal müsabiqəsində mükafatlandırılan şirkətlər sırasında yer alıb. “Award Organizers Group” tərəfindən təşkil olunan müsabiqə “Caspian Energy Club” və Azərbaycan Milli Biznes Assosiasiyasının rəsmi dəstəyi, “Azərbaycan Sənaye Sığorta” ASC, “Baku Container”, “Azerish” və “ERPGO” şirkətlərinin sponsorluğu ilə keçirilib. Müsabiqə çərçivəsində müxtəlif iqtisadi sahələrdə fəaliyyət göstərən, öz seqmentində möhkəm mövqeyi və ictimaiyyət arasında tanınması ilə seçilən 50 ticarət markası müəyyən edilərək mükafatlandırılıb. Bu uğur münasibətilə bütün əməkdaşlarımızı təbrik edir, birlikdə daha böyük nailiyyətlər arzulayırıq!

Daha çox
“Veysəloğlu” MMC 5-ci “Brand Award International 2026” qlobal müsabiqəsində mükafatlandırılan şirkətlər sırasında yer alıb.

Yeni partnyor - Avromak şirkəti

Sizə yeni partnyorumuz “Avromak” şirkətini və onun “Favelli”və“Rizzi” brendinə məxsus makaron və un çeşidlərini təqdim etməkdən məmnunluq duyuruq. “Avromak” MMC 2019-cu ildə Azərbaycanda, Bakı şəhərində fəaliyyətə başlamışdır. Ölkəmizdə qida istehsalı sahəsində fəaliyyət göstərən, məhsul portfelində makaron və un çeşidlərini birləşdirən şirkətdir. Şirkət istehsal prosesində müasir texnologiyalardan istifadə etməklə məhsulların keyfiyyətinə və gigiyenik istehsal şəraitinə diqqət yetirir. İtaliya mətbəxindən ilhamlanan yeməklər hazırlamaq üçün müxtəlif seçimlər təqdim edən “Favelli” makaronları bərk buğda unundan , sudan və duzdan hazırlanır. Brendin çeşidləri gündəlik ailə süfrələrindən xüsusi axşam yeməklərinə qədər fərqli reseptlərdə istifadə oluna bilər. “Favelli” “Rizzi” makaron çeşidləri arasında spagetti, burma və vermişel yer alır. Spagetti pomidorlu, qaymaqlı və digər souslarla hazırlanan yeməklər üçün klassik seçimdir. Burma makaronlar tərəvəzli, ətli yeməklərdə və makaron salatlarında istifadə oluna bilər. Vermişel isə şorbalar və yüngül yeməklər hazırlamaq üçün əlverişli seçimdir. “Favelli” un məhsulları da şirkətin məhsul portfelinə daxildir. Evdə çörək, xəmir yeməkləri və müxtəlif şirniyyatlar hazırlayanlar üçün bu kateqoriya gündəlik mətbəx ehtiyaclarını tamamlayır.

Daha çox
Yeni partnyor - Avromak şirkəti

“Jardin” yeni məhsul çeşidlərini təqdim edir

Veysəloğlu Distribusiyanın sevimli partnyorlarından biri olan “Jardin” brendinin yeni məhsul çeşidləri təqdim olunur. Yeni kolleksiya qovrulmuş, həll olunan və kapsul qəhvələrlə yanaşı, məşhur kofeşop içkilərindən ilhamlanan xüsusi qarışıqları da əhatə edir. “Jardin”in məhsul portfeli müxtəlif dad seçimlərinə uyğun geniş çeşiddə hazırlanıb. Brendin qovrulmuş qəhvə kolleksiyasında Braziliya, Efiopiya, Kolumbiya və Qvatemala kimi tanınmış qəhvə regionlarından seçilmiş arabika dənələrindən istifadə olunur. Açıq, orta və tünd qovrulma dərəcələri məhsullara fərqli dad və ətir xüsusiyyətləri qazandırır. Brendin kapsul qəhvə kolleksiyası “Lungo”, “Espresso” və “Ristretto” sevənlər üçün müxtəlif intensivlikdə seçimlər təqdim edir. Kolleksiyada meyvə notları, zəngin acılıq, yumşaq dad və vanilli ətir kimi fərqli dad xüsusiyyətləri bir araya gətirilib. Həll olunan qəhvə kolleksiyasına balanslı və yumşaq dada malik “Jardin Gold”, tünd şokolad notları ilə seçilən “Jardin Deep Dark”, karamel dadı və zərif köpüyü ilə fərqlənən “Jardin Crema”, həmçinin şokoladlı və qaymaqlı notlara malik “Jardin Filigrano” daxildir. Qəhvə dənələrinin mənşəyini ön plana çıxaran “Colombia Medellin”, “Guatemala Atitlan” və “Kenya Kilimanjaro” çeşidləri isə müxtəlif qəhvə regionlarına xas dad xüsusiyyətlərini istehlakçılara təqdim edir. “Jardin Café Collection” seriyası “Americano”, “Cappuccino”, “Latte” və “Mocaccino” kimi məşhur içkiləri rahat porsiyalı formatda bir araya gətirir. Məhsullar zəngin dadı, xoş ətri və zərif süd köpüyü ilə kofeşop təcrübəsini gündəlik qəhvə anlarına daşıyır. Yeni məhsul çeşidləri fərqli qəhvə zövqlərinə uyğun alternativlər təqdim etməklə yanaşı, istehlakçılara günün istənilən vaxtında keyfiyyətli qəhvədən zövq almaq imkanı yaradır.

Daha çox
“Jardin” yeni məhsul çeşidlərini təqdim edir

Digər xəbərlər

“Ulduz Şokolad Fabriki” Beynəlxalq Autizm Mərkəzində

“Ulduz Şokolad Fabriki” Beynəlxalq Autizm Mərkəzində

“Ulduz Şokolad Fabriki” olaraq korporativ sosial məsuliyyət fəaliyyətlərimiz çərçivəsində cəmiyyətin həssas qruplarına dəstək göstərmək istiqamətində növbəti təşəbbüsümüzü həyata keçirdik. Bu çərçivədə komandamız Azərbaycan Beynəlxalq Autizm Mərkəzində müalicə və reabilitasiya keçən uşaqları ziyarət edib. Ziyarət zamanı uşaqlarla vaxt keçirərək onların gündəlik məşğələləri və inkişaf proqramları ilə yaxından tanış olduq. Şirkətimiz adından uşaqlara müxtəlif hədiyyələr və şirniyyatlar təqdim edilərək onlara xoş anlar yaşatmağa çalışdıq. Səfər çərçivəsində Mərkəzin rəhbərliyi və mütəxəssisləri ilə keçirilən görüş zamanı autizmli fərdlərin cəmiyyətə inteqrasiyasının dəstəklənməsi, onların potensialının üzə çıxarılması və autizm sahəsində ictimai məlumatlılığın artırılmasının əhəmiyyəti barədə fikir mübadiləsi aparıldı. “Ulduz Şokolad Fabriki” olaraq inanırıq ki, davamlı biznes fəaliyyətimizlə yanaşı, cəmiyyət üçün fayda yaradan sosial təşəbbüslərdə iştirak etmək və xüsusi diqqətə ehtiyacı olan qruplara dəstək göstərmək korporativ dəyərlərimizin mühüm tərkib hissəsidir. Gələcəkdə də sosial məsuliyyət və xeyriyyəçilik istiqamətində müxtəlif layihələri davamlı şəkildə həyata keçirməyi planlaşdırırıq.

Yeni partnyorumuz - "COSRX" şirkəti

Yeni partnyorumuz - "COSRX" şirkəti

Sizə yeni partnyorumuz olan "COSRX" brendini təqdim etməkdən məmnunluq duyuruq. "COSRX" Cənubi Koreyanın aparıcı dəriyə qulluq brendlərindən biridir. 2013-cü ildə təsis edilən brend, illərlə toplanmış istehlakçı təcrübəsi və elmi yanaşmanı bir araya gətirərək, müxtəlif dəri problemləri üçün effektiv və innovativ həllər təqdim edir. Brendin adı "Cosmetics + RX (Prescription)" sözlərinin birləşməsindən yaranmışdır və onun əsas fəlsəfəsi dəri ehtiyaclarına məqsədyönlü qulluq göstərməkdir. COSRX məhsulları bu gün dünyanın 140-dan çox ölkəsində istehlakçıların etibarını qazanmışdır. Portfelimizə "COSRX" brendinin yüksək keyfiyyətli dəriyə qulluq məhsulları daxil edilmişdir. Məhsul çeşidinə təmizləyici vasitələr, toniklər, serumlar, essensiyalar, nəmləndirici kremlər, günəşdən qoruyucu məhsullar və problemli dəri üçün xüsusi qulluq məhsulları daxildir. Brend xüsusilə salyangoz musini (Snail Mucin), Centella Asiatica, propolis və aşağı pH formulaları ilə hazırlanmış məhsulları sayəsində dünya üzrə geniş tanınır. COSRX məhsulları dəriyə uyğun, effektiv tərkiblər və müasir istehsal texnologiyaları əsasında hazırlanır. Brend yüksək keyfiyyət standartlarına sadiqliyi və innovativ yanaşması ilə qlobal K-Beauty bazarında etibarlı mövqeyə malikdir. Yeni əməkdaşlığımızın uğurlu olacağına, "COSRX" brendinin portfelimizi daha da gücləndirəcəyinə və müştərilərimizə əlavə dəyər təqdim edəcəyinə inanırıq.

Yeni partnyorumuz - "DALAN" şirkəti

Yeni partnyorumuz - "DALAN" şirkəti

Sizə yeni partnyorumuz olan "Dalan" şirkətini təqdim etməkdən məmnunluq duyuruq. "Dalan" şirkəti 1941-ci ildən fəaliyyət göstərən, zeytun yağı əsaslı sabun və kosmetika məhsullarının istehsalı üzrə dünyanın aparıcı şirkətlərindən biridir. Şirkət təbiiliyi, yüksək keyfiyyəti və innovativ yanaşması ilə seçilən "Dalan" markası altında məhsullarını 5 qitədə 100-dən çox ölkəyə ixrac edir. Portfelimizə "Dalan" brendinin yüksək keyfiyyətli şəxsi qulluq və gigiyena məhsulları daxil edilmişdir. Məhsul çeşidinə bərk sabun və duş gelləri, şampunlar və digər qulluq məhsulları daxildir. Təbii zeytun yağı tərkibli məhsulları ilə "Dalan" şirkəti istehlakçılara gündəlik qulluq üçün etibarlı və keyfiyyətli seçim təqdim edir. "Dalan" şirkəti müasir istehsal texnologiyalarından istifadə edərək, məhsullarını beynəlxalq keyfiyyət standartlarına uyğun olaraq istehsal edir. Şirkət ISO 9001:2015, ISO 22716 və Halal sertifikatlarına malikdir. Yeni əməkdaşlığımızın uğurlu olacağına inanır və tərəfdaşlığımızın şirkətimizə əlavə dəyər qatacağına əminik.

İnsan Kapitalı və Təşkilati İnkişaf Direktorluğunun 2026-cı I yarımillik hesabatı İdarə Heyətinə təqdim edildi.

İnsan Kapitalı və Təşkilati İnkişaf Direktorluğunun 2026-cı I yarımillik hesabatı İdarə Heyətinə təqdim edildi.

İnsan Kapitalı və Təşkilati İnkişaf Direktorluğu tərəfindən 2026-cı ilin ilk 6 ayı ərzində həyata keçirilən fəaliyyətləri, strateji təşəbbüsləri və əldə olunan nəticələri əhatə edən yarımillik hesabat İdarə Heyətinin Sədri və üzvlərinə təqdim edilmişdir. Təqdimat zamanı Direktorluq tərəfindən hesabat dövründə icra olunan layihələr, həyata keçirilən inkişaf təşəbbüsləri, struktur dəyişiklikləri, insan kapitalının inkişafına yönəlmiş proqramlar, təşkilati təkmilləşdirmə istiqamətində görülən işlər, eləcə də növbəti dövr üçün prioritet hədəflər barədə ətraflı məlumat verilmişdir. Görüş çərçivəsində İnsan Kapitalı və Təşkilati İnkişaf Direktorluğunun fəaliyyəti ilə sıx əməkdaşlıq edən struktur rəhbərləri də iştirak edərək öz istiqamətləri üzrə həyata keçirilən işlər və qarşılıqlı əməkdaşlıq nəticəsində əldə olunan nailiyyətlər barədə fikirlərini bölüşmüşlər. Təqdimatda aşağıdakı rəhbər şəxslər iştirak etmişdir: • İnsan Kapitalı Departamentinin müdiri Elvin Əhmədov • Hüquq və Sənəd Dövriyyəsinin Təşkili Departamentinin müdiri Elçin Şəfiyev • Daxili Nəzarət Departamentinin müdiri Mehrac Nəbizadə • Keyfiyyəti İdarəetmə Departamentinin müdiri Əziz İmanov • Təşkilati İnkişaf və İstedadların İdarə Olunması Şöbəsinin müdiri Şəbnəm Allahverdi • İşə Qəbul Şöbəsinin müdiri Eyvaz Kazımov • Öyrənmə və İnkişaf Şöbəsinin müdiri Ağamməd Günəşov • İnsan Kapitalı Əməliyyatları Şöbəsinin müdiri Vüsal Kazımov • SƏTƏM Şöbəsinin müdiri Ülvi Əmirli • Korporativ və Marketinq Kommunikasiyaları Şöbəsinin müdiri Zərri Allahverdi • PL Məhsulları üzrə AR-GE Şöbəsinin müdiri Elvin Kərimov • AVT İnsan Kapitalı Əməliyyatları Bölməsinin müdiri Gündüz Bayramov Yarımillik hesabatın təqdimatı İnsan Kapitalı və Təşkilati İnkişaf Direktorluğunun fəaliyyət istiqamətlərinin qiymətləndirilməsi, əldə olunan nəticələrin nəzərdən keçirilməsi və qarşıdakı dövr üçün prioritetlərin müəyyənləşdirilməsi baxımından əhəmiyyətli platforma olmuşdur.

Mərkəzi Sınaq Laboratoriyası Səriştəlilik Sınağında Yüksək Nəticə Göstərib

Mərkəzi Sınaq Laboratoriyası Səriştəlilik Sınağında Yüksək Nəticə Göstərib

Mərkəzi Sınaq Laboratoriyası 14 laboratoriyanın iştirak etdiyi Səriştəlilik Sınağında (Proficiency Testing – PT) uğurla iştirak edərək bütün analiz istiqamətləri üzrə yüksək nəticələr əldə etmişdir. Səriştəlilik sınaqları laboratoriyaların analiz nəticələrinin düzgünlüyünü, dəqiqliyini və etibarlılığını qiymətləndirmək məqsədilə keçirilən beynəlxalq səviyyədə qəbul olunmuş keyfiyyət təminatı mexanizmlərindən biridir. Sınaq zamanı bütün iştirakçılara eyni nümunələr təqdim olunur və əldə olunan nəticələr Z-score göstəriciləri əsasında qiymətləndirilir. Bu sınaqlarda iştirak eyni zamanda ISO/IEC 17025 standartının əsas tələblərindən biridir. Laboratoriyamız sınaq çərçivəsində aşağıdakı analizlər üzrə iştirak etmişdir: • Su nümunələri üzrə fiziki-kimyəvi analizlər: pH, ümumi codluq, maqnezium (Mg), kalsium (Ca), hidrokarbonatlar və xloridlər. • Mikrobioloji analizlər: toplam bakteriya sayı, kif və maya göbələkləri, koliform bakteriyalar. • Bitki yağı üzrə analizlər: peroksid ədədi, nəmlik və uçucu maddələrin miqdarı, sərbəst yağ turşuları və refraktiv indeks. Sınağın yekun nəticələrinə əsasən Mərkəzi Sınaq Laboratoriyası iştirak etdiyi bütün analizlər üzrə qəbul meyarlarına tam uyğun nəticələr əldə etmişdir. Bu nailiyyət laboratoriyamızın texniki səriştəsinin, əməkdaşlarımızın peşəkarlığının və tətbiq olunan keyfiyyət idarəetmə sisteminin yüksək səviyyədə olduğunu bir daha təsdiqləyir. Eyni zamanda bu nəticə müəssisəmizdə qəbul olunan qərarların etibarlı analiz nəticələrinə əsaslandığının mühüm göstəricisidir. Bu uğur münasibətilə Mərkəzi Sınaq Laboratoriyasının bütün kollektivini təbrik edir, bu nəticənin əldə olunmasına töhfə vermiş hər bir əməkdaşımıza təşəkkürümüzü bildiririk. Keyfiyyətə sadiqlik, etibarlı nəticələr və davamlı inkişaf – Mərkəzi Sınaq Laboratoriyasının əsas fəaliyyət prinsipləridir.

Daha çox göstər...