Dəyərlərimizin izi ilə...
Fəaliyyətlərimiz
Keyfiyyət və Təcrübə ilə Layihələr
“Dost Əllər” komandası “Gəl Dost Olaq - Çərpələng Festivalı” adlı xeyriyyə tədbirində iştirak etdi.
“Dost Əllər” komandası “Gəl Dost Olaq - Çərpələng Festivalı” xeyriyyə tədbirində iştirak etdik. Festival çərçivəsində çərpələng uçuşları, yaradıcı master-klasslar, komanda yarışları, canlı musiqi və müxtəlif əyləncə proqramları təşkil olundu. Rəngarəng çərpələnglərin səmanı bəzədiyi festivalın ən dəyərli tərəfi insanları xeyirxah məqsəd ətrafında birləşdirən dostluq, həmrəylik və birlik ruhu oldu. Veysəloğlu Distribusiya olaraq, bu gözəl təşəbbüsün bir hissəsi olmaqdan və “Dost Əllər” komandası ilə birlikdə xeyirxahlığa töhfə verməkdən məmnunuq.
Ozmo-dan Böyük Əks-səda Doğuran Mətbuat Konfransı
Sevimli partnyorumuz “Şölen”in “Ozmo” brendi Bakıda media nümayəndələri, influenser analar və uşaqların iştirakı ilə böyük marağa səbəb olan xüsusi tədbir təşkil edib. Tədbirin mətbuat konfransı ölkədə böyük əks-səda doğurub. “JW Marriott Absheron Baku Hotel”də keçirilən tədbirdə “Ozmo” brendinin Azərbaycandakı fəaliyyəti, əldə etdiyi uğurlu nəticələr və gələcək inkişaf hədəfləri barədə ətraflı məlumat verilib. Tədbirin açılışında çıxış edən “Şölen”in Baş icraçı direktoru Erdoğan Çoban “Ozmo”nun sadəcə qəlyanaltı brendi deyil, uşaqların təxəyyülünü və yaradıcılığını dəstəkləyən, onların inkişafına töhfə verən və əyləncəni ön plana çıxaran bir “oyun yoldaşı” kimi mövqeləndirildiyini bildirib. Səmimi və əyləncəli atmosferdə keçən tədbir iştirakçıların böyük marağına səbəb olub və media nümayəndələri tərəfindən geniş işıqlandırılıb.
"Veysəloğlu Summer Fest - Kartinq Çempionatı"
Veysəloğlu Summer Fest çərçivəsində keçirilən Kartinq Çempionatı əməkdaşlarımıza unudulmaz həyəcan və yüksək adrenalin dolu anlar yaşatdı! Sürət, çeviklik və rəqabət ruhunun ön planda olduğu çempionatda 200 əməkdaşımız böyük həvəslə iştirak edərək əsl komanda ruhu nümayiş etdirdi. Günün sonunda hər sessiyanın qalibləri final mərhələsində birincilik uğrunda mübarizə apardılar. Maraqlı və həyəcan dolu yarışın nəticələrinə əsasən qaliblərimiz: 1-ci yer – Zabil Paşayev 2-ci yer – Cavid Bağırzadə 3-cü yer – Ülvi Mustafazadə Qaliblərimizi ürəkdən təbrik edir, onlara yeni uğurlar arzulayırıq! Tədbirimizin həyata keçirilməsinə məhsul dəstəyi göstərən "Red Bull" markasına təşəkkürümüzü bildiririk.
"Vəfa zirvəsi" nişanlarının Platin və Qızıl dövrü mükafatlandırlıdı.
Veysəloğlu Distribusiyada uzunmüddətli xidmət göstərən əməkdaşların göstərdikləri fəaliyyət və sədaqəti qiymətləndirmək, onlara təşəkkür etmək məqsədilə xüsusi hazırlanmış "Vəfa zirvəsi" nişanlarının Platin və Qızıl dövrü üzrə təltif olunması prosesi uğurla davam edir.
